Benunìi

Chësta plates Ve porta ala scuvierta dla realtà transfruntaliera nueva dl’Europaregion Tirol-Südtirol-Trentin y a cunëscer la storia, la mires y la formes dla culaborazion danter i trëi teritoresc.

Tlo giapëis la nfurmazions atueles online sun l’Europaregion y dut cie che ie de nteres n cont di proiec che vën iust dejëuc y che ie prugramei, n cont de scumenciadives y manifestazions, ma nce publicazions y documënc ufiziei – n curt: sun dut chël che fej ora la culaborazion sëura i cunfins ora danter Dispruch, Bulsan y Trënt te chësta Europa nueva. Cun n tlich dl mouse pudëis nce cherdé ju la plates web ufizieles di trëi teritoresc.

La plates web tla trëi rujenedes Ve dà riesc na sëuraududa tlera y cumpleta dl’ativiteies dl’Europaregion.

Chësta plata web sotrissea la culaborazion di trëi teritoresc Tirol-Südtirol-Trentin y Ve nviëia a tò pert a chësta nosta jita che fajon deberieda.

A chësta moda Vë mbincions na bona navigazion tres l’ Europaregion Tirol-Südtirol-Trentin tl cuer dl’Europa!

Arno Kompatscher
Presidënt dla Provinzia autonoma de Bulsan
Presidënt dla GECT "Europaregion Tirol-Südtirol-Trentin"

Ugo Rossi
Presidënt dla Provinzia autonoma de Trënt

Günther Platter
Presidënt dl Tirol


Share:  Facebook google+ twitter