News

Concurs leterar "SCRIBO": Tëmp cina ai 31 de ma

La Repartiziun Cultura y Intendënza ladina á scrt fora n concurs leterar por porsones apascionades de leteratöra. An pó dé jö l'opera cina ai 31 de ma dl 2018

Concurs leterar "SCRIBO" por düc i apascioná de leteratöra ladina. An pó dé jö les operes cina ai 31 de ma dl 2018
Zoomansicht Concurs leterar "SCRIBO" por düc i apascioná de leteratöra ladina. An pó dé jö les operes cina ai 31 de ma dl 2018

Sostigní la leteratöra ladina, motivé i jogn da se dé jö cun la scritöra y arichí l repertoire de operes leterares ladines: chisc é i fins prinzipai dl concurs leterar “SCRIBO” (che vëgn dal latin y ó dí “iö scrii”) organisé dala Repartiziun Cultura y Intendënza ladina dla Provinzia. Le concurs é dediché ales döes seziuns prosa y teater y dötes les modalités por tó pert é online. Che che tol pert al concurs mëss dé jö cina ai 31 de ma dl 2018, dales 12.00, na copia de so laur pro le secretariat dl concurs.

Informaziuns d’ütl

Al concurs leterar pól tó pert düc chi che sá da scrí te öna na varianta ladina dles valades dl Sela (badiot, gherdëna, fascian, ampezan o fodom). Le concurs leterar é partí sö te döes seziuns. La seziun junior é por i auturs y les auturies danter 16 y 25 agn, chëra senior é por düc i auturs y les auturies de passa 25 agn. Pro le concurs pól gní dé jö operes che fej pert dles seziuns prosa y teater. I auturs y les auturies pó chirí fora la tematica de süa opera.

I tesć dá jö mëss ester originai, scric por ladin y ne pó nia bele ester gnüs publicá. Les traduziuns de operes bele publicades te d‘atri lingac ne vëgn nia azetades. Vigni autur y vigni auturia pó ma dé jö öna n’opera. Al ne vëgn dé dant degun limit de parores.

Por vigni seziun vëgnel preodü dui pesć: le pröm pest de 3.000,00 euro y le secundo pest de 2.000,00 euro. Le laur pó gní ortié tres lëtra racomanada cun avis de recioiüda (al vel la data dl timber dl ofize postal) o tla forma digitala a chësta misciun culturayintendenzaladina@pec.prov.bz.it.

Por de plü informaziuns

www.provinzia.bz.it/scribo

USP


» alle News


Share:  Facebook google+ twitter