News

Plata internet dl’Euregio: Temesc nüs por le mëis de novëmber

Le post de pelegrinaje San Romedio tla Val de Non, la personalité dër conesciüda tl ambit cultural Gerhard Prantl y la chestiun iuridica dla sconanza dles plantes tl’Euregio é i temesc dl mëis dla plata internet ofiziala dl’Euroregiun Tirol-Südtirol-Trentin.

L'espert de botanica, Thomas Wilhalm, respogn ales domandes de Siiri Eydner dl ofize dl'Euregio Tirol-Südtirol-Trentin.
Zoomansicht L'espert de botanica, Thomas Wilhalm, respogn ales domandes de Siiri Eydner dl ofize dl'Euregio Tirol-Südtirol-Trentin.
Gerhard Prantl é la personalité dl mëis dl'Euregio de novëmber. Foto Euregio
Zoomansicht Gerhard Prantl é la personalité dl mëis dl'Euregio de novëmber. Foto Euregio
Le post de pelegrinaje San Romedio tl Trentin.
Zoomansicht Le post de pelegrinaje San Romedio tl Trentin.

Les tematiches nöies dl mëis de novëmber dala Euregio é da ciafé incö (30 d’otober) sön la plata internet dl’Euregio Tirol-Südtirol-Trentin. Sot ala misciun internet www.europaregion.info/  pón ciafé contribuc video che reverda na personalité, n post d’interes particolar y na chestiun iuridica atuala.

La personalité dl mëis é Gerhard Prantl, cofondadú dl „Freeistat Burgstein“ tl 1995, öna dles fujines artistiches plü conesiüdes tles munts de Tirol Längenfels. Prantl é ince sté 16 agn, cina l’ann 2006, suranstant dl’assoziaziun „Pro Vita Alpina“ che laora por la promoziun dl svilup cultural, sozial, ecologich y economich tl raiun dles Alpes. Dan da dui agn, dl 2013 ti á le presidënt dla Republica dl’Austria surandé le titul de „Professor“ por sü miric tl ciamp cultural. Informaziuns plü menüdes pón ciafé por talian y todësch.

La chestiun iuridica dl mëis reverda la sconanza dles sorts de plantes. Tl’Euregio Tirol-Südtirol-Trentin á la natöra n gran valur. La natöra vëgn conscidrada sciöche la fondamënta de vita che mëss gní sconanda y stravardada. La sconanza dles plantes é ince la chestiun iuridica dl mëis dl’Euregio, a chëra che al ti vá a funz l'espert de botanica tl Museum Natöra dl Südtirol, Thomas Wilhalm. Plü informaziuns pón lí do por todësch y talian.

Sciöche post dl mëis él gnü chirí fora le post de pelegrinaje San Romedio tl Trentin, danter Sanzeno y Corado tla Val de Non. Le post de pelegrinaje vá zoruch al personaje storich Romedio che â tut la dezijiun dan da 1000 agn da vire sciöche eremit. Söporjö incër l’ann 1100 âl spo metü man le cult religius de San Romedio cun la costruziun de na capela. Aldedaincö él indöt sis dlijes che vëgn coliades da na stiga cun indöt 131 scalins. Le video che baia dl post y de sües richëzes artistiches é da ciafé por talian y todësch.

La plata internet dl’Euregio é da ciafé sot ala misciun: http://www.europaregion.info/la/default.asp

 

rc


» alle News


Share:  Facebook google+ twitter