News

Euregio: pro i temesc dl mëis la roda, Funes y Robert Messner

Le tru dles rodes da Sanciana a Lienz, n video sön les normes iuridiches da respeté sön les trates dles rodes danter plü naziuns, l’ombolt da denant de Funes Robert Messner, ideadú dl’oferta turistica sostenibla „Alpine Pearls“: chisc é i temesc dl mëis publicá sön la plata internet dl’Euregio Tirol-Südtirol-Trentin.

Le tru dles rodes danter Sanciana y Lienz.
Zoomansicht Le tru dles rodes danter Sanciana y Lienz.
Robert Messner, ombolt da denant dl Comun de Funes
Zoomansicht Robert Messner, ombolt da denant dl Comun de Funes
L'espert iuridich Gert-Peter Reissner respogn a öna dles domandes dl mëis
Zoomansicht L'espert iuridich Gert-Peter Reissner respogn a öna dles domandes dl mëis

Vigni mëis él l’Euregio che publichëia sön süa plata internet drëi seziuns nöies dedicades a personalités conesciüdes, a posć interessanc y a chestiuns iuridiches de interes particolar por döt le raiun dl’Euregio Tirol-Südtirol-Trentin. Tres spligaziuns menüdes cun contignüs audio y video vëgnel presenté insciö porsones interessantes a livel euroregional, destinaziuns turistiches dl Vedl Tirol y chestiuns iuridiches che regolamentëia la vita da vigni de y les ativités economiches tl’Euroregiun.

Le proiet „Alpine Pearls“ é nasciü dl 2006 cun l’obietif da cherié ofertes turistiches alternatives valorisan ince le fautur dla sostenibilité. Les „Perles dles Alpes“ ti pita insciö ai sciori na vacanza dalunc dal stress dla vita da vigni de, cun tröpes ofertes y esperiënzes culturales. Por sconé l’ambiënt á les localités che tol pert al proiet tut la dezijiun da adoré soluziuns en armonia cun na mobilité sostenibla y le ghest pó chirí fora danter soluziuns de mobilité che s’integrëia dër bun l’öna cun l’atra. Funes é öna dles „Perles dles Alpes“, ince por merit dl gran laur dl ombolt da denant Robert Messner. Por avëi informaziuns plü menüdes sön l’oferta de n turism eco-sostenbil de Funes pón tliché sön: www.europaregion.info/it/robert-messner.asp.

N tema che passenëia dër bun ite tla sajun plü cialda dl ann é la chestiun che reverda les normes iuridiches da respeté jon cun la roda. De chësta tematica nen baia l’espert iuridich Gert-Peter Reissner, diretur dl Istitut por le dërt dl laur, dl sozial y dl’informatica y mëmber dl Collegium sport y dërt dl’Université da Desproch. Por plü informaziuns prëibel vijité: www.europaregion.info/it/robert-messner.asp.

Le post dl mëis é le tru dles rodes da Sanciana cina Lienz, un di trus plü popolars y anuzá te döta l’Europa cun passa 120.000 ziclisć al ann. Le percurs é 44 chilometri lunch, cun n dejlivel de 500 metri, dër saurí da fá ince por families. Le iade zoruch pó ince gní fat te na manira dër comota cun la ferata, ince por merit di bugn coliamënc dla ferata danter Lienz y Franzensfeste. La trata é ince interessanta deache an röia te dui Paisc desfarënc (nia se desmentié la cherta d’identité) passan dal Südtirol al Tirol dl Est. Por plü informaziuns prëibel ti cairé ala plata internet: www.europaregion.info/it/drauradweg-innichen-lienz.asp

rc


» alle News


Share:  Facebook google+ twitter