News

Euregio: La segurëza sön les pistes da schi é danter i temesc dl mëis

Le fotograf tirolej Lois Hechenblaikner, le Ćiastel Stenico tl Trentin y les regoles suraregionales che reverda la segurëza sön les pistes da schi é i temesc dl mëis presënć da püch sön la homepage dl’Euregio da ciafè tres la misciun: www.europaregion.info.

Claudio Zorzi da consëis sön co aumentè la segurëza sön pista (Foto USP/Euregio)
Zoomansicht Claudio Zorzi da consëis sön co aumentè la segurëza sön pista (Foto USP/Euregio)
Le Ciastel Stenico tl Trentin é de proprieté dla Provinzia de Trënt dal 1973 (Foto USP/Euregio/Albert Ceolan)
Zoomansicht Le Ciastel Stenico tl Trentin é de proprieté dla Provinzia de Trënt dal 1973 (Foto USP/Euregio/Albert Ceolan)

Vigni mëis vëgnel presentè sön la plata internet dl'Euregio na personalité interessanta, n post storich cultural dl'Euregio y chestiuns iuridiches atuales tl raiun danter Desproch y Trënt. La porsona che é gnüda chirida fora por le mëis de dezëmber é le fotograf tirolej Lois Hechenblaickner che tematisëia cun sües fotografies les conseguënzes dl svilup turistich sön le paesaje alpin. Plü informaziuns sön le personaje é desponibles tres: www.europaregion.info/it/lois-hechenblaikner.asp

Le post dl mëis é por dezëmber le Ćiastel Stenico/Steineck tl Trentin che à albü na storia cun plü patruns. Le Ćiastel ê naôta de proprieté di vëschi „prinzipi" de Trënt tl 13ejimo secul, plü tert êl passè sot al'armada napoleonica por rové tles mans dl govern austriach tl 18ejimo secul. Dal 1973 à la Provinzia de Trënt metü man da restauré le Ćiastel, plü informaziuns multimediales pon ciafè sön www.europaregion.info/it/castel-stenico.asp.

Le tema iuridich dl mëis é chësc iade, en ocajiun dl scomenciamënt defata dla sajun da d'invern, la segurëza sön les pistes da schi tl Tirol, Südtirol y Trentin. Le presidënt de Snowsport Südtirol y maester de schi Claudio Zorzi spliga insciö les regoles prinzipales dla FIS y dà consëis importanć sön co aumentè la segurëza sön pista, inće por ći che reverda le freestyle y freeride. Plü informaziuns pon lì do sön: www.europaregion.info/it/sicherheit-auf-der-skipiste-.asp

rc


» alle News


Share:  Facebook google+ twitter