News

L’Europaregion presentea la tematiches da d’autonn: la persunalità, l luech y la cuestion giuridica nueva

Eis’a bele audì dla regulamentazion nueva dla UE sun la mubiltà transfruntaliera di pazienc che jirà tosc n forza? Eis’a bele abù ucajion de jì a ti cialé al Museum dl Land Tirol Ferdinandeum a Dispruch? Ve ie pa mei unì a urëdla l inuem de Ingrid Runggaldier, tradutëura, publizista, feminista y regista cun ravises te Gherdëina? Sce nia, cialëde tla nutizies video dl mëns atueles sun la plata “zitadins” dla plata Internet dla Europaregion Tirol-Südtirol-Trentin sota www.europaregion.info . “Duta la trëi tematiches ie sambën sciche for liedes da na relazion particulera cun l’Europaregion“ – chësc fej al savëi l ufize n cumenanza de Bulsan.

Luech dl mëns:  Museum dl Land Tirol Ferdinandeum
Zoomansicht Luech dl mëns: Museum dl Land Tirol Ferdinandeum
Persunalità dl mëns: Ingrid Runggaldier
Zoomansicht Persunalità dl mëns: Ingrid Runggaldier

Nutizies viedeo dëssa descedé l nteres

 L’Europaregion nfurmea uni mëns da nuef n cont de persunaliteies particuleres, luesc nteressanc y cuestions giuridiches zariëuses  de relevanza transfruntaliera: persones atives sëura i cunfins ora, traverc de jita senificatifs per l Tirol storich y fundamëntes giuridiches per l’esperienza ativa tl’Europaregion Tirol-Südtirol-Trentin vën presentedes cun tesć, imajes y sonn.  Nsci udëis sun vosc computeri la nutizies dl mëns atueles tres video, ntervistes y galeries de imajes: chi che chërd ju la plata Internet dl’Europaregion anconta uni mëns luesc, persones y tematiches de uni sort, ma nce ndicazions a manifestazions y scumenciadives y descrizions de proiec –  y chësc sambën tla rujenedes ladina, taliana, tudëscia y ngleja.

 
Persunalità dl mëns: Ingrid Runggaldier

 Coche persona dl mëns d’utober ve presentons la tradutëura, autora, regista y tuadëura dl alpinism Ingrid Runggaldier Moroder de Gherdëina che se dà  ju cun tematiches de n cër viers “transfruntalieres“ sciche la storia dl’ëiles y de si emanzipazion – nce tl alpinism – y cun mendranzes de uni sort. Te si liber "Frauen im Aufstieg" àla cialà de nfruscé chi che fova la prima arpizadëures, ciun che fova l ambient soziel da chël che les univa y ciuna che fova si luegia tl alpinism y tl sport dl’arpizeda.

>> Persunalità dl mëns: Ingrid Runggaldier (DE) & (IT)

 

Cuestion giuridica dl mëns: Mubiltà de pazienc

Nce da d’autonn respuend n espert de dërt tres test y video a dumandes giuridiches. La cuestion giuridica dl mëns trata la mubiltà transfruntaliera di pazienc tl cheder dla diretiva europeica dal medemo inuem, che jirà n forza ai 4 de dezëmber dl 2013. A chësta moda dëssa la cuestion dl rembursamënt dla spëises unì regulamentà da nuef. De chësc ons rujenà cun l’esperta de dërt dl’ Università de Trënt Lucia Busatta.

>> Cuestion giuridica dl mëns: Mubiltà de pazienc (DE) & (IT)

 

Luech dl mëns:  Museum dl Land Tirol Ferdinandeum

L Museum dl Land Tirol Ferdinandeum ie cun si culezions l majer y plu vedl museum de dut l Tirol storich. L ie zënzauter l museum de majera mpurtanza danter duc i mueseums de là dl Prëner. A uni moda iel la lecurdanza storica dl Tirol y bele perchël de gran nteres per uni abitant y abitanta dl’Europaregion che se nteressea de storia y cultura.  ”Tres nosta plata Internet ulons comuniché che l’Europaregion ie n raion plën  de culëures y aspec defrënc sciche i luesc, la persones y i caji giuridics che presenton uni mëns” fej al savëi l ufize dl’Europaregion de Bulsan.

>> Luech dl mëns:  Museum dl Land Tirol Ferdinandeum (DE) & (IT)

 


» alle News


Share:  Facebook google+ twitter